Par Anouskha Bhugaloo Santuck
Pou kapav protez bann mangrove, bizin kapav konpran seki zot ete. Ala lobzektif enn proze resers ki pou fer lor de lane par liniversite Moris.
Pandan enn latelie ki finn organize yer matin dan lotel Ambre, profeser Chandani Appadoo, depi fakilte sians, dir ki finn instal 18 placet lor 6 sit pou kapav swiv levolision bann vezetasion ek so lanvironman.
Fas-a ban lefe sanzman klimatik, li inportan ki kapav konpran pli bien fonksionman so ekosistem ki pou permet idantifie bann solision adapte pou asir prezervasion ek restorasion bann mangrooves.
Si bann mangrooves morisien, zot korek dan lansamb, bann presion ki lie a ban devlopman ress preokipan.
