Par Clyde Augustin
Azordi, nou pe selebre Zourne Internasional Langaz ek Kiltir Kreol.
Kontrerman a seki sertenn dimoun kapav panse, langaz ek kiltir kreol, zot pa limit zot a enn kominote an partikilie. Dan Moris, nou kapav dir ki langaz ek kiltir kreol konsern tou Morisien. Ek mem an etranze, pwiski depi lane 2024, Linstiti Franse Moris pe donn bann kour Kreol Morisien ek parmi bann dimoun qui swiv sa bann kour-la, nou retrouv prinsipalman bann expatriye.
Lalang ek la kiltir kreol resel enn rises. Azordi, nou finn fer enn gran pa ver valorisasion lalang kreol avek so lintrodiksion kouma enn size a par antie dan lekol. So lantre dan Parlman, se enn prosenn letap lozik.
